काठमाडौं । सम्पत्ति शुद्धीकरण मुद्दामा पक्राउ परेका पूर्वमन्त्री एवं नेपाली कांग्रेसका नेता दिपक खड्कामाथि अनुसन्धान गर्न ७ दिनको म्याद थप भएको छ ।
उनलाई यसअघि नै म्याद थप भइ अनुसन्धान भइरहेकोमा जिल्ला अदालत काठमाडौंका न्यायाधिश जगत पौडेलको इजलासले आज पुनः म्याद थप गरेको हो ।
सम्पत्ति शुद्धीकरण विभागको सिफारिसका आधारमा प्रहरीले खड्कालाई चैत १५ गते आइतबार पक्राउ गरेको थियो ।
यसैगरी पूर्वप्रधानमन्त्री केपी शर्मा ओली र पूर्वगृहमन्त्री रमेश लेखकको तेस्रोपटक म्याद थपका लागि अदालतमा सुनुवाइ भइरहेको छ ।
लेखकलाई काठमाडौं जिल्ला अदालतमा उपस्थित गराइएको छ भने टिचिङ अस्पतालमा उपचाररत् ओलीलाई भने भर्चुअल विधिबाट उपस्थित गराइएको छ ।
जेनजी आन्दोलनमा दमनको आरोपमा गत शनिबार बिहान पक्राउ परेका दुवैजनालाई हिरासतमा राखेर अनुसन्धानका लागि यसअघि ५ र २ दिन गरी ७ दिन म्याद थप गरिएको थियो ।
यो खबर पढेर तपाईलाई कस्तो महसुस भयो ?
प्रतिक्रिया दिनुहोस् !
संबन्धित खबर
